Максім Вінярскі: Разам мы прарвемся

• 23.12.2022, 21:13

Верш ад няскоранага актывіста «Еўрапейскай Беларусі».

Сястра асуджанага да пяці гадоў калоніі актывіста грамадзянскай кампаніі «Еўрапейская Беларусь» Максіма Вінярскага Алена Церашкова падзялілася ў сваім «Фэйсбуку» вершам, які даслаў ёй брат.

Турэмныя сны

Сон для вязня – лепшае кіно.

Мроя ў паўсядзённасці турмы.

Саладзей за мёд, п’яны, нібы віно,

Подых ветру ў ветразях тваіх.

Ён нясе праз краты ды муры

да сяброў, да родных, да бацькоў.

Ушчэнт ён разрывае кайданы,

З плеч скідае цяжар злых гадоў.

Шэры змрок адступіць перад ім

і наканаванасць адыдзе.

Хай працягласць – некалькі хвілін,

Але ж мне хапае, і табе.

Разам мы прарвемся, дажывем.

Возьмем ў рукі моцныя стырно.

Вынік жараб’ёўкі абярнем

і да волі выведзем яго…