Станкостроительный завод может остановить работу

• 9.12.2008, 19:14

Сотрудники производственного республиканского унитарного предприятия МЗОР (бывший Минский станкостроительный завод имени Октябрьской революции) готовятся к вынужденным каникулам.

Аб гэтым працоўныя паведамілі «Народнай волі».

Эканаміст прадпрыемства ўдакладніў, што на заводзе ўзніклі праблемы з аплатай плацяжоў.

«Фінансавы крызіс ужо пагрукаў у дзверы. Спажыўцы прадукцыі зацягваюць плацяжы, у выніку нам цяжкавата разлічвацца з сваімі партнёрамі», - сказаў эканаміст.

Яшчэ адзін станкабудаўнік, які працуе майстрам, кажа, што не задаволены сваім заробкам, каторы атрымлівае на заводзе.

«Ну як можна быць задаволеным пры такіх цэнах?.. А тут вось перспектывы няясныя... Збіраемся ў доўгі адпачынак — з 25 снежня па 10 студзеня», - зазначыў майстар.

Па ягоных словах, дакладнасць таго, што супрацоўнікам пагражае вымушаны адпачынак, - 90 адсоткаў.

Гэты супрацоўнік таксама назваць сваё прозвішча не пажадаў.

«Ня трэба пісаць. Самі разумееце», — сказаў ён і шпарка пайшоў прэч.

Электрык, які ізноў-такі адмовіўся назваць сваё прозвішча, пацвердзіў, што на прадпрыемстве рыхтуюцца да вымушанага адпачынку і што ходзяць размовы аб тым, што некаторыя спажыўцы прадукцыі змяншаюць заказы на новы год. Гэта, вядома, засмучае калектыў.