Начальнік аддзела ФСБ у барацьбе з тэрарызмам падавіўся кавалкам мяса і памёр

• 27.08.2024, 13:28

Прынамсі, так гучыць афіцыйная версія.

У Маскве загінуў высокапастаўлены афіцэр ФСБ Максім «Ярэма» Яромін. Ён нібыта падавіўся кавалкам мяса і памёр.

Паводле інфармацыі крыніц Telegram-канал BAZA, Яромін адчуў сябе дрэнна падчас вячэры 25 жніўня - яму стала складана дыхаць.

Яроміна тэрмінова даставілі ў лякарню імя Варахобава, але выратаваць не змаглі. Прычынай смерці стала механічная асфіксія.

Максім Яромін быў вядомым удзельнікам каляфутбольнага руху ў 90-х. «Ярэма» - як яго называлі сябры - быў адным з заснавальнікаў знакамітай групоўкі фанатаў чырвона-сініх Red-Blue-Warriors.

У звычайным жыцці Яромін служыў у ФСБ. У пачатку нулявых ён паехаў на Каўказ, меў дачыненне да ліквідацыі шэрагу вядомых палявых камандзіраў. Яромін даслужыўся да палкоўніка ФСБ і начальніка аддзела ў барацьбе з тэрарызмам, ездзіў у камандзіроўку ў Сірыю.