РФ другі раз за вайну ўстанавіла антырэкорд па стратах

• 5.02.2026, 23:05

Расія страціла больш салдат, чым мабілізавала.

У студзені 2026 года Расія другі раз з пачатку поўнамаштабнай вайны страціла больш салдат, чым мабілізавала.

Пра гэта паведамляе РБК-Украіна са спасылкай на заяву камандуючага Сіл беспілотных сістэм Узброеных Сіл Украіны Роберта «Мадзяра» Броўдзі.

Ён распавёў, што на працягу мінулага месяца ў расійскую армію прыбылі 22 000 навабранцаў. У той жа час на працягу студзеня пацверджаныя варожыя страты склалі 30 618 акупантаў. Такім чынам, ліквідавана на 8 618 расіян больш, чым было мабілізавана/закантрактавана.

Пры гэтым «Мадзяр» адзначыў, што кожнага трэцяга расійскага акупанта ліквідавалі менавіта падраздзяленні беспілотных сістэм Сіл абароны Украіны.

Ён дадаў, што на працягу студзеня СБС уразілі 1012 пунктаў вылету варожых пілотаў і 1404 адзінкі іх абсталявання, 2128 варожых разведвальных і ўдарных дронаў, 478 адзінак артылерыі, 80 танкаў, 88 БТР/БМР, 44 ЗРК/РСЗО, 27 РЛС, 1705 адзінак лагістычнай тэхнікі і інш.

«Мадзяр» адзначыў, што ў снежні 2025 года падраздзяленні СБС знішчылі на 22% больш расіян — 12 037. Паводле яго слоў, студзеньскія паказчыкі ўпалі з-за пагодных умоў і зніжэння штурмавой актыўнасці ворага.