Сінер папрацаваў кантралёрам у цягніку перад Алімпіядай у Італіі

• 5.02.2026, 21:25

Тэнісіст з'яўляецца афіцыйным паслом Алімпійскіх гульняў 2026 года.

Італьянскі тэнісіст, другая ракетка свету < >Яннік Сінер папрацаваў кантралёрам у цягніку ў Мілане перад Алімпійскімі гульнямі 2026 года, паведамляе La Gazzetta dello Sport.

24-гадовы тэнісіст стаяў каля ўваходу ў вагон і правяраў білеты пасажыраў. Спартовец удзельнічаў у кампаніі па прасоўванні Алімпійскіх гульняў у Італіі.

Сінер з'яўляецца афіцыйным паслом Алімпіяды-2026.

Раней выданне паведамляла, што спартсмен не возьме ўдзелу ў цырымоніі адкрыцця Алімпійскіх гульняў, бо адправіцца на турнір у Доху (Катар).

Італьянец займае другую пазіцыю ў рэйтынгу ATP, на яго рахунку 24 тытулы. Сінер двойчы перамагаў на Australian Open (2024, 2025) і па адным разе на US Open (2024) і Уімблдоне (2025).

Алімпійскія гульні пройдуць з 6 па 22 лютага ў Мілане і Кортіне-д'Ампецца.