Расія вярнула ў Беларусь 600 кілаграмаў каўбасы і смятаны

• 5.02.2026, 21:01

Што не так з грузам?

Вялікую партыю варана-вэнджанай каўбасы і смятаны з Беларусі не пусцілі ў РФ. Груз развярнулі на мяжы ў Пскоўскай вобласці і адправілі назад, паведамілі ў прэс-службе Расельгаснагляду.

У Расію везлі 600 кілаграмаў гатовай мясной і малочнай прадукцыі. Падчас праверкі высветлілася, што ў перавозчыка не было дакументаў, «якія пацвярджаюць бяспеку і паходжанне перавозімых тавараў».

«Ветэрынарна-санітарныя правілы транспартавання прадукцыі таксама былі парушаныя, транспартны сродак не абсталяваны халадзільным абсталяваннем», — адзначылі ў ведамстве.

У выніку груз вярнулі назад у Беларусь.