Упершыню ў Беларусі здзелку па продажы кватэры аформілі анлайн

• 5.02.2026, 20:15

Пакупнік быў у адным горадзе, прадавец — у другім.

Упершыню ў краіне рэгістратары нерухомасці правялі анлайн-здзелку па продажы нерухомасці. Пра гэта 5 лютага паведаміла Нацыянальнае кадастравае агенцтва (НКА).

Прадавец нерухомасці знаходзіўся ў Віцебску, а пакупнік — у Мінску. Бакі здзелкі звярнуліся ў зручныя для сябе офісы арганізацый па дзяржаўнай рэгістрацыі нерухомай маёмасці.

Затым удзельнікі падключыліся да анлайн-сесіі, падчас якой бакі узгаднілі ўмовы, атрымалі тлумачэнні сваіх правоў і абавязкаў.

Усе неабходныя дакументы, уключаючы дагавор, бакі падпісалі ў электронным выглядзе на планшэце, рэгістратары — выкарыстоўваючы свае электронныя лічбавыя подпісы.