На МТЗ замарозілі трактар «Беларус»

• 5.02.2026, 17:58

Незвычайны эксперымент правялі пры тэмпературы мінус 25 градусаў.

На МТЗ правялі незвычайны відэаэксперымент з марозам. Работнікі прадпрыемства вырашылі праверыць, ці зможа завесціся трактар «Беларус» пры тэмпературы −25 °C.

Каб задача не была занадта простай, тэхніку спачатку поўнасцю аблілі вадой са шланга, у выніку чаго яна пакрылася суцэльнай ледзяной каркай і выглядала як сапраўдны ледзяны экспанат. Каб трапіць у кабіну, герою роліка нават давялося ўзяць сякеру.

Аднак, нягледзячы на лёд і сасулькі па ўсім корпусе, рухавік без цяжкасцяў завёўся і пачаў спакойна і роўна працаваць. Пасля гэтага трактар без праблем скрануўся з месца і паехаў па тэрыторыі завода.