У Драздах прадаюць катэдж амаль за $3 млн

• 5.02.2026, 16:56

Як ён выглядае знутры.

У прэстыжным і недасяжным для простых людзей кутку Мінска — Драздах — выставілі на продаж трохпавярховы дом, піша Onlíner. Візуальна ён выглядае даволі лаканічна і не здзіўляе нейкімі навамоднымі архітэктурнымі вытанчанасцямі, дызайн памяшканняў па-дамашняму ўтульны. А вось кошт аб’екта амбіцыйны — $2 870 000. Як ён уладкаваны знутры?

Асобняк стаіць на ўскраіне пасёлка і мяжуе з лясапаркавай зонай — адасобленасць гарантаваная. Зялёныя агароджы і высокія дрэвы ў двары таксама ствараюць адчуванне прыватнасці. У аб’яве гэты момант падкрэсліваецца:

— Дом размешчаны ў Цэнтральным раёне Мінска, у Драздах — месцы, дзе спалучаюцца цішыня прыроднага асяроддзя і хуткі доступ да ўсёй гарадской інфраструктуры. Гэта не проста катэдж, а прыватная сядзіба, разлічаная на камфортнае жыццё сям’і, прыём гасцей і адпачынак у сваім рытме.

Вялікі ўчастак з ландшафтным дызайнам стварае адчуванне адасобленасці і спакою, што асабліва цэніцца ў цэнтральнай частцы горада. Фармат участку дазваляе атрымліваць асалоду ад прыроды, не ахвяруючы бяспекай і зручнасцю гарадскога жыцця.

Плошча дома — 555 кв. м. На планіроўцы відаць, што акрамя трох асноўных паверхаў ёсць яшчэ і цокальны. Побач з катэджам стаіць шале плошчай 80 кв. м — у ім прадугледжаныя тэраса, кухня і камін.

— Прастора дома арганізаваная так, каб кожны метр працаваў на зручнасць: светлая гасцёўня з панарамнымі вокнамі, кухня-сталовая для сямейных і сяброўскіх сустрэч, майстар-спальні з уласнымі санвузламі, асобныя пакоі пад кабінет, дзіцячыя або гасцявыя зоны. У доме прадугледжана ўсё для камфортнага пражывання вялікай сям’і.

Інтэр’еры:

Асобняк каштуе $2 870 000.