Украіна і РФ дамовіліся аб абмене 314 палоннымі

• 5.02.2026, 14:02

Упершыню з кастрычніка мінулага года.

Сёння, 5 лютага, дэлегацыі Украіны, ЗША і РФ дамовіліся аб абмене 314 палоннымі, які стане першым за апошнія месяцы.

Пра гэта заявіў спецпрадстаўнік прэзідэнта ЗША Стыў Уіткоф.

«Гэтага выніку ўдалося дасягнуць дзякуючы дэталёвым і прадуктыўным мірным перамовам. Хоць наперадзе яшчэ шмат работы, такія крокі дэманструюць, што пастаянная дыпламатычная дзейнасць прыносіць адчувальныя вынікі і садзейнічае намаганням па спыненні вайны ва Украіне», — падкрэсліў ён.

Уіткоф таксама адзначыў, што абмеркаванні будуць працягвацца і анансаваў «дадатковы прагрэс» у бліжэйшыя тыдні.

Нагадаем, апошні абмен ваеннапалоннымі Украіна і Расія правялі ў кастрычніку 2025 года. Тады дадому вярнуліся 185 абаронцаў і 20 грамадзянскіх.