Мінск пасля загаду Лукашэнкі пагрузіўся ў цемру

• 4.02.2026, 20:52

Дыктатар абвясціў вайну ліхтарам.

Сонца зайшло прыкладна ў шэсць вечара, а ліхтары не ўключылі. Многія мінчукі пішуць у сацсетках, што дабіраліся з працы дадому амаль напамацак. А вадзіцелі кажуць, што ўсё гэта вельмі небяспечна ў вялікім горадзе.

Ліхтары ў выніку ўключылі толькі ў сем вечара. Да таго амаль ніякага асвятлення не было.

Мінск «патушылі» на наступны дзень пасля скаргі Лукашэнкі. На нарадзе з чыноўнікамі ён абурыўся, што гарады свецяцца так рана і на асвятленне траціцца занадта шмат грошай.

Лукашэнка даручыў запальваць ліхтары не раней за 7–8 вечара і выключаць іх не пазней за 7. Энергетыкі адразу ж узяліся выконваць абсурднае даручэнне Лукашэнкі.