Умераў ацаніў вынікі першага дня перамоваў у Абу-Дабі

• 4.02.2026, 20:11

Украінская дэлегацыя рыхтуе даклад Зяленскаму.

Сакратар Рады нацыянальнай бяспекі і абароны (РНБА) Рустэм Умераў назваў трохбаковую сустрэчу ў Абу-Дабі «змястоўнай і плённай». Пра гэта ён напісаў у тэлеграм-канале.

«Праца была змястоўнай і плённай з арыентацыяй на канкрэтныя крокі і практычныя рашэнні. Гатуем даклад прэзідэнту Уладзіміру Зяленскаму», — сказаў ён.

4 лютага ў Абу-Дабі прайшоў першы дзень чарговага раўнда перамоваў Расіі, Украіны і ЗША па пытанні ўрэгулявання вайны. Чакаецца, што сустрэча працягнецца на наступны дзень, 5 лютага.

Паводле слоў Умерава, пасля трохбаковай сустрэчы ў Абу-Дабі перамоўны працэс працягнуўся ў фармаце працы ў групах.