Трамп расказаў, пра што гаварыў з Сі Цзіньпінам

• 4.02.2026, 19:12

Прэзідэнт ЗША назваў тэлефонную размову са старшынём КНР выдатнай.

Прэзідэнт ЗША Дональд Трамп назваў «выдатнай» тэлефонную размову з кітайскім калегам Сі Цзіньпінам.

«Гэта была доўгая і грунтоўная размова, падчас якой абмяркоўваліся многія важныя тэмы, у тым ліку гандаль, ваенныя пытанні, красавіцкая паездка, якую я здзейсню ў Кітай (якой я вельмі чакаю!)», — напісаў рэспубліканец у Truth Social.

Сярод тэм, якія абмеркавалі палітыкі, ён назваў расійска-ўкраінскі канфлікт, Тайвань, сітуацыю з Іранам, куплю нафты і газу Кітаем у Злучаных Штатаў і іншыя.

«Адносіны з Кітаем і мае асабістыя адносіны з прэзідэнтам Сі Цзіньпінам надзвычай добрыя, і мы абодва разумеем, наколькі важна іх падтрымліваць», — падкрэсліў кіраўнік Белага дома.