Пуцін адчытаўся перад Сі Цзіньпінам пра ўкараненне ў Расіі Кітайскага Новага года

• 4.02.2026, 18:19

Кіраўнік Крамля заявіў, што гэта «новая традыцыя».

Пуцін у ходзе відэаканферэнцыі са старшынём КНР Сі Цзіньпінам адчытаўся пра шырокае ўкараненне і святкаванне Кітайскага Новага года ў Расіі. Ён далажыў кітайскаму лідару, што ў межах Годаў расійскай і кітайскай культуры адбылося больш за 400 мерапрыемстваў, якія выклікалі «непадробную цікавасць у грамадзян абедзвюх краін», піша The Moscow Times.

«На гэтым, вядома, не спыняемся. І, у прыватнасці, у бліжэйшыя дні ў Маскве і іншых расійскіх гарадах зноў шырока адзначаць Кітайскі Новы год. У нас гэта стала добрай традыцыяй», — адзначыў Пуцін.

Ён таксама звярнуў увагу на сімвалічнасць даты зносін з Сі, падкрэсліўшы, што рады працягненню традыцыі асабістага кантакту «на старце [кітайскага] Новага года». «Тым больш у такі сімвалічны дзень — паводле кітайскага народнага календара сёння «Усталяванне вясны» — Лічунь, пасля якога адыходзяць маразы, надыходзіць абнаўленне і пачатак новага цыклу ў прыродзе», — сказаў Пуцін.

У сувязі з гэтым ён павіншаваў Сі Цзіньпіна і «ўвесь сяброўскі кітайскі народ» з надыходзячым Новым годам і Святам Вясны, адзначыўшы, што надыходзячы год Чырвонага агнявога каня асацыюецца з сілай, энергіяй і імкненнем да руху наперад.

Асобна Пуцін адзначыў, што Расія займае вядучыя пазіцыі па пастаўках энергарэсурсаў у Кітай, а партнёрства дзвюх краін у энергетычнай сферы, на яго думку, мае ўзаемавыгадны і «сапраўды стратэгічны» характар.