Сі Цзіньпін і Трамп правялі тэлефонную размову

• 4.02.2026, 17:22

Апошні раз яны размаўлялі напрыканцы лістапада.

Лідар Кітая Сі Цзіньпін пагаварыў па тэлефоне з прэзідэнтам ЗША Дональдам Трампам у сераду, 4 лютага, паведамляе кітайскі дзяржаўны тэлеканал CCTV, піша агенцтва Reuters (пераклад — сайт Charter97.org).

Гутарка адбылася на фоне чаканага візіту Трампа ў Кітай у красавіку. Кітайскія дзяржаўныя СМІ не прывялі дадатковых падрабязнасцей пра гутарку.

Апошні раз лідары размаўлялі па тэлефоне напрыканцы лістапада.

Званок Трампу адбыўся праз некалькі гадзін пасля відэаканферэнцыі Сі з Пуціным. Крэмль заявіў, што Пуцін прыняў запрашэнне Сі наведаць Кітай у першай палове гэтага года.