На захадзе Беларусі заўважылі вялізную калону вайсковай тэхнікі

• 4.02.2026, 15:23

Што адбываецца?

На захадзе Беларусі калона БТР-82А выехала для здзяйснення маршу па дарогах агульнага карыстання і па перасечанай мясцовасці.

У Міністэрстве абароны Беларусі патлумачылі, што гэта баявыя машыны аднаго з падраздзяленняў механізаванай брыгады Заходняга аператыўнага камандавання. Яны выехалі на дарогі ў суправаджэнні ВАІ (Ваенная аўтамабільная інспекцыя) у рамках комплекснай праверкі баявой гатоўнасці, якую раней абвясціў дыктатар Лукашэнка.