Перамовы Украіны і РФ: Белы дом вызначыўся са сваімі прадстаўнікамі ў Абу-Дабі

• 4.02.2026, 8:05

Украінская дэлегацыя ўжо адправілася на сустрэчу.

Спецыяльны пасланнік прэзідэнта ЗША Дональда Трампа Стыў Уіткаф і яго зяць Джарэд Кушнер возьмуць удзел у трохбаковых перамовах з Украінай і РФ у Абу-Дабі.

Пра гэта паведаміла прэс-сакратарка Белага дома Кэролайн Левітт.

«Спецыяльны пасланнік Уіткаф і Джарэд Кушнер заўтра будуць у Абу-Дабі для чарговага раўнду трохбаковых перамоваў», — сказала яна.

Левітт адзначыла, што трохбаковыя перамовы, якія адбыліся 23–24 студзеня ў Абу-Дабі, з'яўляюцца «гістарычнымі па сваёй прыродзе».

«Ніколі раней гэтыя тры краіны насамрэч не маглі сесці за стол перамоваў, каб пасунуць справу да міру», — гаворыцца ў яе заяве.

Нагадаем, 2 лютага ўкраінскія чыноўнікі ўжо адправіліся на сустрэчу з расійскай і амерыканскай дэлегацыямі ў Абу-Дабі, якая запланаваная на 4–5 лютага.

Папярэднія трохбаковыя перамовы паміж Украінай, ЗША і РФ адбыліся ў ААЭ 23 і 24 студзеня.