Расія ў студзені нанесла рэкордны ўдар КАБ

• 4.02.2026, 6:32

У адзін з дзён РФ скінула на Украіну 316 авіябомбаў.

Авіяцыя РФ у студзені скінула на Украіну 5700 кіраваных авіябомбаў, што з'яўляецца рэкордам у вайне за адзін месяц. Пра гэта 3 лютага праінфармавалі ў Мінабароны Украіны.

Паведамляецца, што толькі 18 студзеня РФ скінула на Украіну 316 КАБ — гэта самы вялікі сутачны паказчык за час поўнамаштабнай вайны.

«Не маючы істотных поспехаў на зямлі, праціўнік нарошчвае ўдары з неба. Папярэдні месячны максімум быў зафіксаваны ў кастрычніку 2025 года — 5300 бомбаў», — сказана ў паведамленні.

Паводле інфармацыі Генштаба ЗСУ, на працягу студзеня зафіксавана больш за 5300 баестыкненняў (у снежні 2025 года іх было больш за 5500).

У студзені расійскія войскі здзейснілі таксама больш за 113 тыс. абстрэлаў, у тым ліку больш за 2400 — з РСЗА, падкрэслілі ў Мінабароны Украіны.