РФ нанесла ўдар па спальным раёне Запарожжа: загінулі 18-гадовы юнак і дзяўчына

• 3.02.2026, 20:33

Восем пацярпелых.

Расійскія агрэсары нанеслі ўдар па Дняпроўскім раёне Запарожжа. Паветраныя сілы папярэджвалі пра рух беспілотніка ў напрамку горада з поўначы.

Пра атаку паведаміў кіраўнік Запарожскай абласной ваеннай адміністрацыі <>Іван Фёдараў у аўторак, 3 лютага.

Паводле ягонай інфармацыі, у выніку атакі загінулі два чалавекі, 18-гадовы юнак і дзяўчына. Як мінімум восем чалавек пацярпелі, прычым сярод іх было дзіця.

Як паведамляла «Суспільне Запоріжжя», пасля расійскага ўдару ў атакаваным раёне Запарожжа гарэлі аўтамабілі, у будынках павыляталі шыбы.