Пасля начнога ўдару РФ сенатар ЗША заклікаў Трампа перадаць Украіне Tomahawk

• 3.02.2026, 19:14

Прадастаўленне Кіеву дальнабойных ракет змяніла б сітуацыю на полі бою.

Ціск ЗША на дыктатара РФ Уладзіміра Пуціна, каб ён сеў за стол перамоваў і спыніў масіраваныя атакі супраць Украіны, не працуе. Такое меркаванне 3 лютага ў X выказаў блізкі да амерыканскага прэзідэнта Дональда Трампа сенатар-рэспубліканец Ліндсі Грэм.

Ён пераапублікаваў паведамленне СМІ пра масіраваную атаку РФ па Украіне ў ноч на 3 лютага.

Паводле палітыка, ідэя Трампа пераследаваць пакупнікоў пуцінскай нафты, якія падтрымліваюць яго ваенную машыну, павінна быць рэалізаваная ЗША і Еўропай.

«Прэзідэнт Трамп падарваў эканоміку Пуціна, пераследуючы нафтавыя кампаніі і нафтаперапрацоўчыя заводы. Мытныя пошліны ў дачыненні да Індыі з'яўляюцца добрым прыкладам таго, як могуць змяніцца справы. Цяпер Індыя купляе значна менш расійскай нафты, і калі іншыя буйныя пакупнікі пойдуць яе прыкладам, гэта дапаможа пакласці канец гэтай крывавай бойні», — напісаў Грэм.

Пасля начной масіраванай атакі РФ сенатар заклікаў Трампа пачаць працэс прадастаўлення Украіне дальнабойных ракет Tomahawk, што змяніла б сітуацыю на полі бою.

«У бліжэйшыя дні і тыдні мы павінны ўзмацніць ціск на Пуціна. Любыя перамовы, якія будуць успрынятыя як празмернае ўзнагароджанне агрэсіі, пацягнуць за сабой катастрофы ва ўсім свеце, — падкрэсліў Грэм. — Калі перамовы прывядуць да свабоднай, моцнай і незалежнай Украіны — хай нават вымушанай пайсці на саступкі, — свет стане значна больш стабільным».

Як адзначыў амерыканскі сенатар, «час мае вырашальнае значэнне».