«Белавія» запусціла вялікі распродаж авіяквіткоў

• 3.02.2026, 17:41

Зніжкі да 50%.

Авіякампанія «Белавія» ў гонар свайго 30-годдзя абвясціла месяц распродажаў са зніжкамі да 50% ад мінімальных прадстаўленых тарыфаў. У аўторак, 3 лютага, прапануюць паляцець у Грузію і Расію, а заўтра, 4 лютага, накірункі зменяцца.

Тарыф «Промо» будзе дзейнічаць з 3 лютага па 4 сакавіка. Так, у аўторак квіткі па зніжаных цэнах можна купіць на гэтыя два накірункі:

Мінск–Кутаісі і назад – ад 691 рубля,

Мінск–Мурманск і назад – ад 562 BYN (палёты будуць адноўлены ў летнім раскладзе з 28 мая).

Квіток са зніжкай можна купіць як у адзін бок, так і туды-і-назад. Акцыя распаўсюджваецца на палёты па 24 кастрычніка 2026 года. Колькасць месцаў на рэйсе па тарыфе «Промо» абмежаваная.

У «Белавія» пералічылі нюансы месячнай распродажы:

Зніжка датычыцца прамых рэгулярных рэйсаў авіякампаніі.

Яна не распаўсюджваецца на таксы і зборы.

Промакод пры куплі квіткоў на сайце авіякампаніі ўводзіць не трэба – квіткі па зніжаных цэнах пазначаныя светла-зялёным васільком.

Калі купілі квіток туды-і-назад, то перыяд паміж двума вылетамі — максімум 1 месяц.

На квіткі, набытыя па тарыфе «Промо», не дзейнічаюць зніжкі для дзяцей ва ўзросце ад 2 да 12 гадоў.