У самым цэнтры Мінска ідзе незвычайная будоўля
- 3.02.2026, 16:24
Што там будзе?
Стварэнне музейнага квартала ў Мінску, распачатае яшчэ ў 2010 годзе, набліжаецца да завяршэння. У снежні 2027-га Нацыянальны мастацкі музей Беларусі, які мы звычайна ўспрымаем як адзін-адзіны будынак, ператворыцца ў цэлы комплекс, што складаецца з чатырох будынкаў, злучаных паміж сабой спецыяльнымі галерэямі-пераходамі, піша Onlíner. Ідзе гаворка пра будынкі, размешчаныя па адрасах: Кірава, 25; Леніна, 20; Леніна, 22; К. Маркса, 24. Вы іх, безумоўна, не раз бачылі, але як разрозненыя адзінкі.
Галерэі-пераходы некалькі гадоў таму ўжо злучылі выставачны корпус на вуліцы К. Маркса, 24, з рэстаўрацыйным — на вуліцы Кірава, 25. На другім і трэцім паверхах апошняга знаходзіцца амаль паўтара дзясятка рэстаўрацыйных майстэрняў. Сюды ж пасля рамонту пераехала і музейная бібліятэка.
Цяпер рэканструююць будынак на вуліцы Леніна, 22, дзе гістарычна размяшчалася адміністрацыя мастацкага музея. Будаўнікі ўмацоўваюць нясучыя сцены і часова падмацоўваюць канструкцыі, каб пачаць дэмантаж нясучых канструкцый, даху і кроквеннай сістэмы, распавядае ў рэпартажы АНТ галоўны інжынер прадпрыемства «СПМК-81» Міхаіл Главіцкі.
Пазней будуць дэмантаваныя ўсе ўнутраныя нясучыя сцены, разабраныя і замененыя перакрыцці ўнутры будынка. Паралельна ўзводзіцца новы будынак, які злучыць паміж сабой гістарычныя дамы.
— Устаўка будзе ўяўляць сабой чатырохпавярховы будынак з апошнім мансардным паверхам, са шкляным вентыляваным фасадам, са схілавым дахам з фальцавага ліста, — распавядае спецыяліст.
Чатырохпавярховы будынак на вуліцы Леніна, 22, — помнік архітэктуры ў стылі сталінскага класіцызму — не толькі захавае свой воблік, але і верне сабе гістарычную балюстраду, якую страціў у канцы 50-х гадоў, калі надбудоўваўся пяты, мансардны, паверх. Ён, дарэчы, таксама застанецца, прымяненне яму ўжо знайшлі.
У перабудаваным будынку размесцяць экспазіцыйныя залы і будуць праводзіць экскурсіі. Такім чынам павялічыцца плошча мастацкага музея, у запасніках якога захоўваюцца экспанаты, якія з-за даволі сціплых памераў выставачных пляцовак ніхто з наведвальнікаў не бачыў. Экспазіцыі будуць арганізаваныя і ў будынках-ўстаўках.
Стварэнне музейнага квартала ў Мінску, распачатае яшчэ ў 2010 годзе, набліжаецца да завяршэння. У снежні 2027-га Нацыянальны мастацкі музей Беларусі, які мы звычайна ўспрымаем як адзін-адзіны будынак, ператворыцца ў цэлы комплекс, што складаецца з чатырох будынкаў, злучаных паміж сабой спецыяльнымі галерэямі-пераходамі. Ідзе гаворка пра будынкі, размешчаныя па адрасах: Кірава, 25; Леніна, 20; Леніна, 22; К. Маркса, 24. Вы іх, безумоўна, не раз бачылі, але як разрозненыя адзінкі.
Галерэі-пераходы некалькі гадоў таму ўжо злучылі выставачны корпус на вуліцы К. Маркса, 24, з рэстаўрацыйным — на вуліцы Кірава, 25. На другім і трэцім паверхах апошняга знаходзіцца амаль паўтара дзясятка рэстаўрацыйных майстэрняў. Сюды ж пасля рамонту пераехала і музейная бібліятэка.
Цяпер рэканструююць будынак на вуліцы Леніна, 22, дзе гістарычна размяшчалася адміністрацыя мастацкага музея. Будаўнікі ўмацоўваюць нясучыя сцены і часова падмацоўваюць канструкцыі, каб пачаць дэмантаж нясучых канструкцый, даху і кроквеннай сістэмы, распавядае ў рэпартажы АНТ галоўны інжынер прадпрыемства «СПМК-81» Міхаіл Главіцкі.
Пазней будуць дэмантаваныя ўсе ўнутраныя нясучыя сцены, разабраныя і замененыя перакрыцці ўнутры будынка. Паралельна ўзводзіцца новы будынак, які злучыць паміж сабой гістарычныя дамы.
— Устаўка будзе ўяўляць сабой чатырохпавярховы будынак з апошнім мансардным паверхам, са шкляным вентыляваным фасадам, са схілавым дахам з фальцавага ліста, — распавядае спецыяліст.
Чатырохпавярховы будынак на вуліцы Леніна, 22, — помнік архітэктуры ў стылі сталінскага класіцызму — не толькі захавае свой воблік, але і верне сабе гістарычную балюстраду, якую страціў у канцы 50-х гадоў, калі надбудоўваўся пяты, мансардны, паверх. Ён, дарэчы, таксама застанецца, прымяненне яму ўжо знайшлі.
У перабудаваным будынку размесцяць экспазіцыйныя залы і будуць праводзіць экскурсіі. Такім чынам павялічыцца плошча мастацкага музея, у запасніках якога захоўваюцца экспанаты, якія з-за даволі сціплых памераў выставачных пляцовак ніхто з наведвальнікаў не бачыў. Экспазіцыі будуць арганізаваныя і ў будынках-ўстаўках.
— Будынак захавае функцыі адміністрацыі. На першым і другім паверхах будуць экспазіцыі, невялікае сховішча. На мансардным паверсе — памяшканні для заняткаў мастацкай студыі і маленькая лекцыйная зала, — падзялілася Ганна Урбан, галоўны архітэктар праектаў прадпрыемства «Мінскпраект».
У праект рэканструкцыі адміністрацыйнага корпуса ўваходзіць таксама стварэнне скульптурнага двара, які ўпішацца ва ўнутраную тэрыторыю музея. З чэрвеня плануюць пачаць працы ўжо на галоўным корпусе.
Нагадаем, музей уключаны ў спіс аб’ектаў, рэстаўрацыя якіх праводзіцца ў рамках дзяржпраграмы «Культурная прастора» (на 2026—2030 гады.) Цяпер, паводле слоў намесніка міністра культуры Сяргея Саракача, інвестпраграмай на працы выдзелена каля 9 мільёнаў рублёў, але сума не канчатковая. У бліжэйшыя два гады на рэстаўрацыю гістарыка-культурнай каштоўнасці з рэспубліканскага бюджэту збіраюцца выдзеліць яшчэ 123,5 мільёна рублёў.