Прэзідэнт Італіі заклікаў да алімпійскага перамір'я падчас Гульняў-2026

• 3.02.2026, 12:04

Заява прагучала на адкрыцці сесіі МАК.

Прэзідэнт Італіі Серджо Матарэла заклікаў да спынення баявых дзеянняў на час правядзення Алімпійскіх гульняў 2026 года ў Мілане — Кортіне-д'Ампецца.

Пра гэта, як піша «Еўрапейская праўда», гаворыцца ў ягонай прамове на адкрыцці сесіі Міжнароднага алімпійскага камітэта.

У сваім выступленні прэзідэнт Італіі адзначае, што спорт павінен быць сустрэчай у міры і стаць «сігналам» для складаных часоў.

Матарэла падкрэсліў, што ягоная краіна будзе патрабаваць выканання алімпійскага перамір'я паўсюль.

Зазначым, што традыцыйна тэрмін алімпійскага перамір'я прадугледжвае часовае спыненне баявых дзеянняў ва ўсіх частках свету. Звычайна яно цягнецца ад сямі дзён перад цырымоніяй адкрыцця Алімпіяды да сямі дзён пасля завяршэння Паралімпійскіх гульняў.

«Мы настойліва і рашуча патрабуем, каб алімпійскае перамір'е выконвалася паўсюль. Няхай беззбройная сіла спорту прымусіць змоўкнуць зброю», — заявіў італьянскі прэзідэнт.

Нагадаем, Зімовыя Алімпійскія гульні адбудуцца з 6 па 22 лютага 2026 года ў італьянскіх гарадах Мілан і Кортіна-д'Ампецца.