Салаўёў прызнаў беспамоцнасць Расіі

• 3.02.2026, 9:21

Z-прапагандыст просіць Кітай выратаваць расійскі «ценявы флот».

Галоўны прапагандыст Крамля Уладзімір Салаўёў, рэагуючы на захоп амерыканцамі караблёў «ценявага флоту» РФ, папрасіў дапамогі ў Кітая. Ён фактычна прызнаў ваенную беспамоцнасць Расіі.

Гэта адбылося ў эфіры ягонага ток-шоу «Вечар з Уладзімірам Салаўёвым» на дзяржаўным тэлеканале «Расія 1», перадае «Дыялог».

«Трэба спакойна дамовіцца з Пекінам: мы даём танкеры, а Кітай — ахову і суправаджэнне. І адпраўляем на Кубу і далей куды заўгодна. Калі амерыканцы захочуць сутыкнуцца, няхай паспрабуюць! Две ядзерныя дзяржавы супраць адной — калі ласка», — заявіў Салаўёў.

Ён таксама папрасіў у Пекіна дапамогі ў касмічнай разведцы, з якой у РФ узніклі сур'ёзныя праблемы.

«А чаму не заключыць дамову з кітайскімі таварышамі? А чаму ўвогуле не перайсці да іншай формы ваенна-эканамічнага і стратэгічнага супрацоўніцтва?» — задаўся пытаннем Z-прапагандыст Крамля.