Кіраўнік МЗС Украіны раскрытыкаваў прэзідэнта ФІФА за планы адносна Расіі

• 3.02.2026, 5:28

Андрэй Сібіга назваў Джанні Інфантына «маральным дэгенератам».

Міністр замежных спраў Украіны Андрэй Сібіга назваў кіраўніка ФІФА Джанні Інфантына маральным дэгенератам, паколькі той хоча вярнуць Расію ў міжнародны футбол.

Пра гэта паведамляе Charter97.org са спасылкай на кіраўніка МЗС Украіны ў сацыяльнай сетцы X.

Сібіга нагадаў Інфантыну, што 679 украінскіх дзяўчынак і хлопчыкаў ужо ніколі не змогуць згуляць у футбол, бо іх забіла Расія.

«І яна працягвае забіваць яшчэ больш, пакуль маральныя дэгенераты прапануюць скасаваць забароны. Нягледзячы на тое, што Расія не спыніла вайну», — сказаў ён.

Таксама міністр падкрэсліў, што будучыя пакаленні палічаць такія намеры ганьбай, як гэта было падчас Алімпіяды 1936 года, якая прайшла ў нацысцкай Германіі.