Брытанскі суд вынес прысуд расійскаму мараку

• 3.02.2026, 1:00

Уладзіміра Моціна прызналі вінаватым у сутыкненні судна з амерыканскім нафтавым танкерам.

Суд Лондана прызнаў 59-гадовага расійскага капітана кантэйнеравоза Solong Уладзіміра Моціна вінаватым у сутыкненні судна з амерыканскім нафтавым танкерам Stena Immaculate. Пра гэта паведамляе Sky News.

Моцін падчас пасяджэння заявіў, што зрабіў памылку і націснуў не на тую кнопку ў момант, калі спрабаваў вывесці судна з рэжыму аўтапілота. Паводле яго слоў, спробы перазапусціць рулявое кіраванне ні да чаго не прывялі.

Бок абвінавачвання сцвярджаў, што ўсе навігацыйныя сістэмы працавалі, а заявы капітана пра няспраўнасць руля былі беспадстаўнымі.

Сутыкненне адбылося 10 сакавіка 2025 года. Агенцтва марской бяспекі і берагавой аховы паведаміла, што на паўночным усходзе Вялікабрытаніі абвясцілі выратавальную аперацыю. Паведамлялася, што па меншай меры 32 чалавекі пацярпелі.

Пазней на борце танкера Stena Immaculate адбыліся выбухі. Сховішча з палівам было пашкоджана, пачалося ўзгаранне.