Трамп адказаў на пагрозы аяталы Хаменеі

• 1.02.2026, 23:25

Прэзідэнт ЗША заявіў пра магутнасць амерыканскага флоту.

Амерыканскі прэзідэнт Дональд Трамп выказаў надзею, што ЗША ўдасца заключыць пагадненне з Іранам. Пра гэта кіраўнік Белага дому сказаў на брыфінгу 1 лютага, відэазапіс апублікаваў Fox News у X.

Раней, 1 лютага, Вярхоўны лідар Ірана Алі Хаменеі пагразіў, што калі ЗША атакуюць Іран, то «гэтая вайна будзе рэгіянальнай», яго цытуе Tasnim у Telegram.

На заяву Хаменеі адрэагаваў Трамп.

«У нас там самыя вялікія і самыя магутныя караблі ў свеце, — сказаў прэзідэнт ЗША. — Спадзяюся, мы заключым здзелку. Калі мы не заключым здзелку, тады мы даведаемся, ці меў ён рацыю».