Названыя краіны з найсмачнейшай кухняй

• 1.02.2026, 18:49

Беларусь таксама трапіла ў рэйтынг.

Рэйтынг найсмачнейшай ежы традыцыйна складае міжнародны гастранамічны анлайн-гід Taste Atlas на падставе ацэнак і каментарыяў карыстальнікаў. Да канца 2025 года сэрвіс прааналізаваў больш за 590 тысяч ацэнак, якія дэгустатары паставілі амаль 19 тысячам страў, і размясціў 100 краін у парадку змяншэння, піша «Вакол свету».

За званне самых смачных нацыянальных кухняў часцей за ўсё спаборнічаюць адныя і тыя ж краіны. На гэты раз прыхільнасці тых, хто выстаўляў ацэнкі, размеркаваліся так.

Італія (4,64 бала);

Грэцыя (4,60 бала);

Перу (4,54 бала);

Партугалія (4,53 бала);

Іспанія (4,53 бала);

Японія (4,49 бала);

Турцыя (4,49 бала);

Кітай (4,48 бала);

Францыя (4,48 бала);

Інданезія (4,48 бала).

Цікавы факт: найбольш італьянскую кухню любяць у Нідэрландах, Харватыі, Румыніі і Польшчы. Грэчаскай ежы, акрамя галандцаў, аддаюць перавагу немцы і швейцарцы. А за Перу галасуюць амерыканцы (менавіта яны і вывелі паўднёваамерыканскую краіну на трэцяе месца), а таксама жыхары Чылі і Мексікі.

Беларусь апынулася на 79-м месцы. Складальнікі рэйтынгу раяць паспрабаваць мачанку, жур, сырнікі, калдуны і верашчаку.