Названыя даты наступнай сустрэчы Украіны і РФ у Абу-Дабі

• 1.02.2026, 14:02

Сёння перамоў не будзе.

Наступныя перамовы Украіны, ЗША і Расіі ў Абу-Дабі адбудуцца 4 і 5 лютага, а не сёння, як было запланавана.

Аб гэтым паведамляе РБК-Украіна са спасылкай на Telegram прэзідэнта Украіны Уладзіміра Зяленскага.

«Толькі што быў даклад нашай перамоўнай каманды. Вызначаныя даты наступных трохбаковых сустрэч: 4 і 5 лютага ў Абу-Дабі», — паведаміў Зяленскі.

Ён адзначыў, што Украіна гатовая да прадметнай размовы і зацікаўленая ў тым, каб вынік наблізіў да рэальнага і годнага заканчэння вайны.

Нагадаем, на мінулым тыдні, 23 і 24 студзеня, у ААЭ адбыліся трохбаковыя перамовы паміж Украінай, ЗША і Расіяй. Злучаныя Штаты ацанілі сустрэчу станоўча, а Кіеў назваў яе «зместоўнай».