Паранены боец ЗСУ выбраўся з палону, прыхапіўшы з сабой двух расійскіх штурмавікоў

• 1.02.2026, 13:56

Выжыў толькі адзін з палонных акупантаў.

Украінскі баец Уладзімір Аляксандраў, патрапіўшы ў палон да расіян каля Канстанцінаўкі, змог пераканаць двух акупантаў здацца ўкраінцам. Пра гэты выпадак распавёў журналіст Андрэй Цапліенка у сваім тэлеграм-канале.

«Герой гэтай гісторыі варты ўзнагароды. У раёне Канстанцінаўкі акупанты паранілі байца Уладзіміра Аляксандрава і ўзялі яго ў палон. З Валодзелм доўга не было сувязі. Пакуль байца лічылі зніклым без вестак, яму ўдалося пераканаць двух акупантаў здацца ўкраінцам. На жаль, выжыў толькі адзін з варожых штурмавікоў, якія вырашылі скласці зброю», — напісаў ён.

Па яго словах, некалькі дзён таму стала вядома, што Аляксандраў, хоць і паранены, але жывы і спрабуе дапоўзці з палонным да сваіх.

«За любых абставінаў — выратаваць героя», — вырашыла камандаванне 11-га корпуса. Аперацыяй кіраваў намеснік камандзіра 11-га АК Павел Федосенка. І вось сёння Валодзю ўдалося выцягнуць», — адзначыў Цапліенка.

Ён дадаў, што недарэмна ў яго такі красамоўны пазыўны — «Пазітыў», і паказаў фота, на якім палкоўнік Федосенка абдымае параненага героя ў пункце эвакуацыі. Таксама Цапліенка апублікаваў відэа з расійскім палонным, якога Аляксандраў пераканаў здацца.