Блэкаўт у Белгарадзе ўчынілі ўсяго восем ракет HIMARS

• 9.01.2026, 23:58

Падрабязнасці паспяховай аперацыі Узброеных Сіл Украіны.

Уначы ў пятніцу, 9 студзеня, зафіксаваны шэраг прылётаў па аб'ектах энергетычнай інфраструктуры Белгарада, пасля якіх расіяне скардзіліся на поўны блэкаўт. Стала вядома, што ўдары былі нанесены з выкарыстаннем рэактыўных сістэм залпавага агню HIMARS.

Пра гэта паведамляе Telegram-канал «Дасье шпіёна», які вядзе супрацоўнік адной са спецыяльных службаў. Па папярэдняй інфармацыі, усяго было выкарыстана 14 ракет, з якіх шэсць збілі.

Якія аб'екты атакавалі з HIMARS:

– ТЭЦ «Луч» – пажар, згарэў трансфарматар;

– ТЭЦ «Белгарадзкая» – пажар, пашкоджаны трубаправод, трансфарматар, адміністрацыйныя будынкі;

– падстанцыя «Белгарад» 330 кВ – пажар, падстанцыя абясточаная.

На вечар 9 студзеня ў выніку гэтых удараў былі абясточаныя яшчэ 18 падстанцый 110 кВ і 10 падстанцый 35 кВ.

«Пашкоджанні не крытычныя. Вядуцца рамонтныя работы», – адзначыў аўтар канала.