Украіна падтрымала дзеянні ЗША супраць расійскіх танкераў

• 9.01.2026, 22:13

Гэта паказальны крок супраць абыходу санкцый.

Украіна вітае «паслядоўныя і рашучыя дзеянні Злучаных Штатаў супраць незаконных танкераў», уключаючы сённяшні захоп танкера Olina ў Карыбскім моры. Пра гэта заявіў кіраўнік МЗС Украіны Андрэй Сібіга.

«Гэта судна трапіла пад санкцыі як частка «ценявога флоту» Расіі. Такія рашучыя крокі дэманструюць сілу і пасылаюць правільныя сігналы парушальнікам», — заявіў Сібіга.

Нагадаем, 9 студзеня ЗША захапілі чарговы расійскі нафтавы танкер Olina ў Карыбскім моры.

Гэта ўжо пяты выпадак за апошнія тыдні, калі амерыканскія ўлады перахопліваюць судны ў межах намаганняў па кантролі экспарту венесуэльскай нафты, паведаміла крыніца.