РФ атакавала два грамадзянскія судны каля партоў Украіны

• 9.01.2026, 19:21

Ёсць загінулы замежнік.

Расійскія акупанты сёння, 9 студзеня, нанеслі ўдар па грамадзянскіх суднах, якія плывалі недалёка ад украінскіх партоў. У выніку атакі загінуў грамадзянін Сірыі.

Пра гэта паведамляе «РБК-Украіна» са спасылкай на віцэ-прэм'ер-міністра па аднаўленні і міністра развіцця абшчын Аляксея Кулебу у Telegram.

Паводле слоў Кулебы, ударны дрон расіян трапіў па судне пад замежным сцягам Сент-Кітс і Невіс (краіна ва ўсходняй частцы Карыбскага мора). Яно накіроўвалася на пагрузку збожжавым грузам у межах Украінскага збожжавага калідора.

«У выніку атакі, на жаль, ёсць загінулы член экіпажа - грамадзянін Сірыі. Гэта жудаснае ваеннае злачынства», - падкрэсліў віцэ-прэм'ер.

Ён дадаў, што каля порта «Адэса» расіяне ўдарылі па судне, якое плыло пад сцягам Каморскіх астравоў. Яно перавозіла сою. Паводле папярэдняй інфармацыі, ёсць пацярпелыя. На месца падзеі накіравалі ратавальнікаў.

«Гэта чарговае сведчанне таго, што Расія свядома б'е па грамадзянскіх аб'ектах, па міжнародным суднаходстве, па харчовай лагістыцы», - сказаў Кулеба.