Што сталася з мужчынам, цела якога адкапалі з-пад снегу ў Мінску

• 9.01.2026, 15:51

Ім аказаўся 59-гадовы жыхар сталіцы.

Мінская міліцыя заявіла, што смерць мужчыны, цела якога было выяўлена на вуліцы Байкальскай, не носіць крымінальнага характару.

Раніцай падчас расчышчэння двара каля дома № 66 па вуліцы Байкальскай жыхары знайшлі пад снегам цела мужчыны. Інфармацыя хутка атрымала шырокі грамадскі рэзананс і выклікала розныя версіі таго, што адбылося.

Паводле звестак праваахоўных органаў, загінулым аказаўся 59-гадовы жыхар Мінска, які меў інваліднасць з-за сардэчнага захворвання. Раніцай ён накіраваўся на працу, аднак па дарозе адчуў рэзкае пагаршэнне самаадчування, паведаміў пра гэта жонцы і вырашыў вярнуцца дадому.

У выніку раптоўнага пагаршэння стану здароўя мужчына памёр.