Беларусаў папярэдзілі пра прымусовую эвакуацыю аўтамабіляў

• 9.01.2026, 14:35

З усімі адпаведнымі фінансавымі наступствамі.

ДАІ папярэдзіла беларусаў пра прымусовую эвакуацыю аўтамабіляў. Падрабязнасці паведамляе тэлеграм-канал ДАІ Мінаблвыканкама.

У Дзяржынскім РАУС зноў звярнуліся да ўладальнікаў аўтамабіляў і заклікалі не пакідаць прыпаркаваныя транспартныя сродкі ўздоўж праезнай часткі. Такія аўтамабілі перашкаджаюць працы снегаўборачнай тэхнікі. А гэта крытычна важна для аператыўнай ачысткі дарог ад снегу.

У міліцыі ўдакладнілі, што аўтамабілі, якія былі прыпаркаваныя ўздоўж праезнай часткі, прымусова адбуксіруюць на штрафстаянку з усімі адпаведнымі фінансавымі наступствамі.