Расія разграміла пасольства Катара ў Кіеве

• 9.01.2026, 13:30

З'явіліся кадры наступстваў масіраванага ўдару.

Памяшканне пасольства Дзяржавы Катар ва Украіне, размешчанае ў Кіеве, атрымала пашкоджанні падчас масіраванага ўдару РФ у ноч на 9 студзеня. З'явіліся кадры наступстваў.

Пра гэта паведамляе РБК-Украіна са спасылкай на міністра замежных спраў Украіны Андрэя Сібігу у сацыяльнай сетцы X.

«Начны ўдар Расіі па Кіеве пашкодзіў памяшканне замежнай дыпламатычнай місіі — пасольства Дзяржавы Катар ва Украіне», — заявіў ён.

Сібіга падкрэсліў, што расійскі ўдар з'яўляецца грубым парушэннем Венскай канвенцыі і напамінам пра тое, што расійская жорсткасць не ведае межаў.

«Мы гатовыя аказаць усю неабходную дапамогу нашым катарскім калегам», — адзначыў кіраўнік МЗС.

Ён таксама заклікаў краіны Персідскага заліва адрэагаваць на дзеянні Расіі як публічна, так і праз дыпламатычныя каналы.