Беларуская чыгунка накіравала цяжкую тэхніку на барацьбу са снегам

• 9.01.2026, 10:50

Снег прыбіраюць каля 1200 работнікаў Беларускай чыгункі.

Моцныя снегапады, што абрушыліся на Беларусь, спрычынілі цяжкасці не толькі на трасах, але і на чыгунцы. Для расчысткі калейных шляхоў накіравалі цяжкую тэхніку — машыны СМ-2.

Снег прыбіраюць каля 1200 работнікаў Беларускай чыгункі.

«Магутныя машыны СМ-2 і іншыя снегаачышчальныя цягнікі ідуць па шляхах, літаральна паглынаючы тонны снегу і вывозячы яго за межы станцый. Каардынацыя працы гэтай тэхнікі — найскладанейшы працэс, які патрабуе ювелірнай дакладнасці ад дыспетчараў і машыністаў», — піша тэлеграм-канал Гомельскага аддзялення Беларускай чыгункі.

Як паведаміла крыніца Onliner, машыны СМ-2 працуюць пераважна на станцыях.

У БЧ паведамілі, што на дыстанцыях і станцыях задзейнічаны 19 снегаўборачных машын і 6 снегаачышчальнікаў. Да ўборкі снегу прыцягнута каля 1200 работнікаў Беларускай чыгункі.

А што наконт затрымак цягнікоў?

Раніцай БЧ паведаміла, што цягнікі следуюць з адхіленнямі на асобных участках: Мінск-Орша, Мінск-Гомель, Мінск-Брэст, Жлобін-Калінкавічы. 9 студзеня а 10.12 на перагоне Лёзна-Крынкі з-за няспраўнасці цеплавоза быў спынены цягнік №240 Масква - Полацк.

«Беларуская чыгунка прымае аператыўныя меры для арганізацыі дастаўкі пасажыраў. З гэтай мэтай са станцыі Віцебск на перагон быў накіраваны дапаможны лакаматыў. А 9.03 цягнік працягнуў рух. На станцыі Віцебск і Полацк цягнік №240 Масква - Полацк прыбудзе з затрымкай прыблізна на 1 гадзіну 30 хвілін», — перадае БЧ.