Снежная бура прывяла да затрымкі цягнікоў на Беларускай чыгунцы
- 9.01.2026, 8:51
Сталі вядомыя падрабязнасці.
9 студзеня з-за складаных пагодных умоў, парывістага ветру і моцнага снегападу некаторыя цягнікі ідуць з затрымкай, паведамілі ў БЧ.
«На асобных участках: Мінск — Арша, Мінск — Гомель, Мінск — Брэст, Жлобін — Калінкавічы ў цяперашні час цягнікі ідуць з адхіленнем ад графіка руху.
Беларускай чыгункай прымаюцца аператыўныя меры па ліквідацыі наступстваў непагоды і вяртанні цягнікоў у графік», — гаворыцца ў паведамленні.
Пасажыраў просяць улічваць умовы надвор'я пры планаванні паездак. Падрабязную інфармацыю можна атрымаць у кантакт-цэнтры БЧ па нумары 105.