Le Figaro: Цела журналіста з Расіі знайшлі ў прыгарадзе Парыжа

• 8.01.2026, 22:23

Цела было знойдзена ля шматкватэрнага дома, дзе пражываў мужчына.

У Мёдане, прыгарадзе Парыжа, быў знойдзены мёртвым 38-гадовы журналіст, родам з Расіі, піша Le Figaro са спасылкай на крыніцы.

Імя і прозвішча загінулага выданне не раскрывае. Цела было знойдзена 6 студзеня на асфальце ля шматкватэрнага дома, дзе пражываў мужчына. У кватэры загінулага паліцыя выявіла ў смеццевым кошыку ўпакоўкі ад лекаў.

Паводле звестак крыніцы Le Parisien, загінулы — пазаштатны расійскі журналіст, яму «маглі пагражаць забойствам», аднак асноўная версія — самагубства. Пракуратура пачала расследаванне.

Як паведаміў журналіст Дзяніс Балашоў у сваім тэлеграм-канале, ідзе гаворка пра 38-гадовага Яўгена Сафронава. Як сцвярджае Балашоў, загінулы да 2024 года працаваў у выданні, прызнаным у Расіі замежным агентам (яго назва не раскрываецца), але быў адтуль звольнены.