Камічны выпадак у НХЛ: варотар схаваўся за лаўкай запасных

• 8.01.2026, 19:29

Ён не хацеў выходзіць на лёд пасля сямі прапушчаных яго камандай шайбаў.

Запасны галкіпер «Сэнт‑Луіса» Джоэл Хофер стаў прычынай камічнай сітуацыі падчас гасцявога матчу рэгулярнага чэмпіянату НХЛ супраць «Чыкага». Сустрэча скончылася з лікам 7:3 на карысць гаспадароў.

Асноўны варотар «Блюз» Бінінгтан паказаў слабую гульню, адбіўшы ўсяго 28 з 35 кідкоў (80%). У канцы матчу галоўны трэнер Джым Мантгомеры паспрабаваў замяніць яго на запаснога галкіпера. У гэты час Хофер схаваўся ў падтрыбунным памяшканні і асцярожна вызіраў з-за кута.

Зараз «Сэнт‑Луіс» з 42 ачкамі ідзе на сёмым месцы Цэнтральнага дывізіёна. «Чыкага» набраў 43 ачкі, здабыўшы чацвёртую перамогу запар, і займае пятае месца ў турнірнай табліцы.