У Беларусі абвешчаны чырвоны ўзровень небяспекі

• 8.01.2026, 13:20

На 9 студзеня.

Белгідрамет абвясціў штармавое папярэджанне з чырвоным узроўнем небяспекі на 9 студзеня.

Паводле прагнозу сіноптыкаў, у гэты дзень Беларусь накрыюць складаныя пагодныя ўмовы: на большай частцы тэрыторыі чакаецца моцны снег, а ў начныя гадзіны на паўднёвым усходзе — вельмі моцны снегапад.

У многіх раёнах прагназуецца мяцеліца, на дарогах утворацца снегавыя заносы. Вецер узмоцніцца да 15–20 м/с, а ўначы месцамі парывы ветру могуць дасягаць 24 м/с.

У Мінску 9 студзеня таксама чакаюцца моцны снег і мяцеліца, пагаршэнне дарожнай абстаноўкі і парывісты вецер да 15–20 м/с у начны час.

Пры гэтым 8 студзеня ў краіне дзейнічае аранжавы ўзровень небяспекі.