Расіяне пасварыліся паміж сабой з-за захопу ЗША нафтавага танкера пад сцягам РФ

• 8.01.2026, 16:44

Прапагандысты не могуць вызначыцца з пазіцыяй.

Пасля таго як падраздзяленні Міністэрства нацыянальнай бяспекі ЗША 7 студзеня захапілі звязаны з Венесуэлай танкер Marinera, які ішоў пад расійскім сцягам, Z-прапагандысты не могуць вызначыцца са сваёй пазіцыяй.

Пра гэта паведамляюць у Цэнтры стратэгічных камунікацый і інфармацыйнай бяспекі, створаным пры Міністэрстве культуры і інфармацыйнай палітыкі Украіны.

Частка прапагандыстаў, адзначаюць спецыялісты, раптам пачала даказваць, што амерыканскі бок дзейнічаў у межах сваіх паўнамоцтваў, а сама гісторыя — «не такая адназначная».

Разам з тым у РФ з'явіўся і новы наратыў: большасць экіпажа ўвогуле ўкраінцы, а не грамадзяне Расіі, таму «істэрыка перабольшаная».

Некаторыя прапагандысты гэтага не прынялі і «пайшлі ў атаку на сваіх» — яны абвінавацілі калегаў у «здрадзе», «змякчэнні пазіцыі» і працы на чужы парадак дня.

«Фактычна маем класічную сітуацыю: метадычка ёсць, але ўзгодненага тлумачэння няма, з-за чаго прапагандысцкае поле распадаецца проста ў рэальным часе», — гаворыцца ў публікацыі SPRAVDI.