НХЛ: Шаранговіч адзначыўся выніковай перадачай

• 8.01.2026, 11:31

Беларус узяў удзел у адзіным голе «Калгары».

У матчы рэгулярнага чэмпіянату НХЛ «Калгары» на выездзе саступіў «Манрэалю» з лікам 1:4 (0:0, 1:3, 0:1).

Адзіную шайбу ў складзе «Флэймз» арганізаваў беларускі нападнік Ягор Шаранговіч, які запісаў на свой рахунак выніковую перадачу на Джоэла Фарабі. Нападнік правёў на лёдзе 15 хвілін 57 секунд, здзейсніўшы 20 зменаў. З гэтага часу 3:58 ён правёў у большасці і 1:58 — у меншасці. У актыве Шаранговіча адзін кідок па варотах і тры сілавыя прыёмы, пры гэтым ён тройчы губляў шайбу і скончыў сустрэчу з паказчыкам карыснасці «0».

Усяго ў бягучым сезоне Ягор Шаранговіч правёў 39 матчаў, набраўшы 14 (8+6) ачкоў, пры дзвюх хвілінах штрафу і агульным паказчыку карыснасці «-12».