Беспілотнікі магутна атакавалі акупаваны Крым

• 8.01.2026, 11:20

У Яўпаторыі і Саках кожныя пятнаццаць-дваццаць хвілін былі чутныя новыя выбухі.

У ноч на чацвер, 8 студзеня, у часова акупаваным расійскімі захопнікамі Крыме прагрымелі шматлікія выбухі ў Саках, Яўпаторыі, Феадосіі і Ічках, назіраўся пралёт беспілотнікаў і праца расійскай СПА.

Пра гэта піша Telegram-канал «Крымскі вецер».

Там адзначылі, што каля 00:20 у раёне горада Сакі прагучалі шэсць выбухаў. Пасля гэтага ў Яўпаторыі і Саках кожныя пятнаццаць-дваццаць хвілін былі чутныя новыя выбухі.

У Ялце паведамлялі пра пралёт рэактыўных беспілотнікаў, над морам іх спрабавалі перахапіць расійскія знішчальнікі, дадалі ў Telegram-канале.

Паводле дадзеных відавочцаў, а 03:40 ў Ічках прагрымелі два выбухі, а 03:49 — яшчэ два. «Крымскі вецер» адзначыў, што а 03:43 расійская СПА працавала з гары Ай-Петры.

Там дадалі, што ў Феадосіі а 03:24 і 03:50 таксама фіксавалі выбухі.