Цыклон Фрэнсіс-Уллі набліжаецца да Беларусі

• 8.01.2026, 11:07

Ён нясе моцныя снегапады.

Да Беларусі набліжаецца цыклон Фрэнсіс-Уллі з моцнымі снегападамі, паведамілі ў Белгідрамеце.

Набліжэнне цыклона на карце паказалі ў Белгідрамеце. Раніцай 8 студзеня сіноптыкі сказалі, што ў Брэсцкай вобласці снегапады ўжо пачаліся. Прагназуецца, што ў бліжэйшыя дні, 8 і 9 студзеня, тэрыторыю Брэстчыны накрые суровая зіма. Чакаюцца завеі і снежныя заносы, непагадзь будзе ўскладняць моцны вецер з парывамі да 24 метраў за секунду.

Узмацненне ветру з парывамі 15 - 20 метраў за секунду абяцаюць таксама ў Гомельскай, Гродзенскай, Мінскай, Віцебскай і Магілёўскай абласцях. Завеі і моцныя снегапады ў бліжэйшыя два дні накрыюць амаль усю Беларусь.