Для беларускіх дачнікаў увялі важнае новаўвядзенне

• 7.01.2026, 13:51

Што зменіцца.

У Дзяржаўным камітэце па маёмасці Беларусі паведамілі, што па выніках 2025 года ў дзяржаўны кадастр былі ўнесены межы 95% усіх садоўніцкіх таварыстваў (СТ) і дачных кааператываў (ДК) краіны. Раней у кадастры было ўлічана толькі 17% такіх аб’ектаў.

Абноўленыя даныя дазволяць дакладна вызначыць, хто адказвае за:

вываз смецця;

прыбіранне тэрыторый;

рэгістрацыю грамадзян;

размеркаванне зямельных участкаў;

прысваенне адрасоў.

У камітэце адзначылі, што запаўненне кадастра палегчыць працу выканкамаў па планаванні і значна спросціць вырашэнне розных пытанняў самімі таварыствамі.

Акрамя таго, у кадастры былі ўдакладнены афіцыйныя назвы СТ і ДК на рускай і беларускай мовах, абноўлена інфармацыя пра колькасць таварыстваў, а таксама ўнесены даныя пра дарогі і вуліцы ўнутры іх. Пасля верыфікацыі і ўзгаднення з мясцовымі органамі гэтыя аб’екты былі афіцыйна зарэгістраваныя і ўключаныя ў адзіны рэестр вуліц і дарог Беларусі.