Праваслаўныя ў Беларусі адзначаюць Раство Хрыстова

• 7.01.2026, 9:38

Галоўныя традыцыі свята.

7 студзеня светлае свята Раства Хрыстова па юліянскім календары адзначаюць вернікі праваслаўнага абраду ў шэрагу цэркваў, у тым ліку і вернікі Праваслаўнай Царквы ў Беларусі.

«Хрыстос нарадзіўся!» — гэта традыцыйнае прывітанне ў гэты дзень. Адказ: «Славім Яго!».

25 снежня Раство святкавалі католікі і пратэстанты, а таксама частка праваслаўных цэркваў у свеце.

А 7 студзеня святкуюць вернікі Беларускай Праваслаўнай Царквы, Сербскай Праваслаўнай Царквы, Грузінскай Праваслаўнай Царквы і Рускай Праваслаўнай Царквы.

Беларусы маюць шмат даўніх калядных традыцый. На Раство было прынята паказваць батлейкі — тэатральныя сцэнкі пра нараджэнне Ісуса Хрыста і ўцёкі Марыі з немаўлём у Егіпет. Таксама ў гэты дзень наведваюць царкоўнае набажэнства.

Раство адзначаюць з багатым святочным сталом. Ежу звычайна гатуюць посную, бо за святочны стол садзяцца яшчэ на Святы вечар, калі працягваецца Калядны пост.

У даўнія часы ёлку было прынята ставіць менавіта на Раство, а не на Новы год. Таксама падарункі дарылі якраз да Раства. Галоўнай стравай на стале была куцця на Раство.