ЗША заявілі, што мірнае пагадненне па Украіне ўжо «на парозе»

• 6.01.2026, 19:28

Пастаянны прадстаўнік ЗША пры НАТА абвясціў пра канчатковае ўзгадненне некалькіх пагадненняў.

Пагадненне аб завяршэнні вайны Расіі супраць Украіны, магчыма, «ужо на парозе», — заявіў пастаянны прадстаўнік ЗША пры НАТА Мэцью Уітакер у эфіры Fox News.

«Чаго нам варта чакаць, дык гэта канчатковага ўзгаднення некалькіх пагадненняў. Першае — гэта «кааліцыя ахвотных», у якую ўваходзяць каля 50 краін-саюзнікаў, многія з якіх уваходзяць у НАТА, якія збіраюцца пагадзіцца на пэўныя рамкі бяспекі для Украіны», — сказаў дыпламат.

Уітакер таксама пракаментаваў захоп ЗША дыктатара Венесуэлы Нікаласа Мадуры. Ён назваў аперацыю часткай стратэгіі стрымлівання і палічыў, што тое, што адбылося, пасылае сігнал усім праціўнікам ЗША, якія павінны занепакоіцца. «Гэта дэманструе: калі прэзідэнт ЗША кажа пра правядзенне чырвонай лініі, мы гатовыя забяспечыць гэта сваёй магутнасцю», — рэзюмаваў ён.