Адмоўнае сальда Беларусі наблізілася да $6 мільярдаў

• 6.01.2026, 17:22

Аналагічныя паказчыкі сталі прычынай крызісу 2011 года.

Адмоўнае сальда Беларусі ў гандлі таварамі па выніках студзеня—лістапада склала 5,99 млрд долараў.

Экспарт па выніках 11 месяцаў склаў 37 179,9 млн долараў, імпарт — 43 178,5 млн долараў, паведамляе Белстат.

Непасрэдна за лістапад адмоўнае сальда павялічылася на 710 млн долараў.

Для параўнання, у кастрычніку прырост склаў 784 млн долараў, у верасні — 840,8 млн.

На гарызонце маячаць паказчыкі 2009–2010 гадоў, якія сталі адной з прычын найжорсткага ў гісторыі сучаснай Беларусі фінансавага крызісу 2011 года. Тады па выніках 2009 года адмоўнае сальда тавараабароту склала 7,26 млрд долараў, па выніках 2010-га — 9,64 млрд.