Пасылкі і заказныя лісты падаражэлі

• 6.01.2026, 15:26

«Белпошта» павысіла тарыфы на некаторыя паслугі.

З 1 студзеня 2026 года «Белпошта» павысіла тарыфы на некаторыя нерэгуляваныя паслугі паштовай сувязі, паведаміла прэс-служба прадпрыемства.

З пачатку года падаражэла перасылка ўнутраных і міжнародных паштовых адпраўленняў, у тым ліку заказнай карэспандэнцыі, адпраўленняў «1-га класа», пасылак, адпраўленняў з абвешчанай вартасцю, EMS і паслуг для e-commerce, а таксама шэрагу дадатковых паслуг.

«Без змяненняў застаўся кошт універсальных паслуг паштовай сувязі (перасылка простага ліста, паштовай карткі, бандэролі)», — гаворыцца ў паведамленні «Белпошты».